Ein Partneriaeth â Llywodraeth Cymru

Y Rhwydwaith – Sbarduno Newid Cadarnhaol Trwy Gipolygon wedi’u Gyrru gan Ddata

Mae Llywodraeth Cymru yn cydweithredu â’r Rhwydwaith Ymchwil Iechyd mewn Ysgolion (y Rhwydwaith) i ddefnyddio data a thystiolaeth er mwyn gwneud penderfyniadau strategol. Mae ein partneriaeth yn sicrhau bod ymchwil a thystiolaeth drylwyr yn llywio polisïau a mentrau, gan wella iechyd a lles plant a phobl ifanc ar draws y system addysg genedlaethol yng Nghymru yn y pen draw.

Y Rhwydwaith a Llywodraeth Cymru: Cerrig Milltir a Llwyddiannau

Mae ein partneriaeth wedi arwain at ddatblygiadau arwyddocaol yn iechyd a lles plant a phobl ifanc:

Mae data’r Rhwydwaith yn chwarae rhan hanfodol mewn hysbysu a monitro blaenoriaethau strategol a pholisïau Llywodraeth Cymru. Mae ein cyfraniadau yn cynnwys:

– Canllawiau hawliau plant a chynhwysiant pobl draws ar gyfer addysg  

– Cod a chanllawiau statudol Addysg Rhyw a Chydberthynas  

---

Mae nifer o astudiaethau ymchwil a gwerthuso presennol Llywodraeth Cymru, a rhai sydd yn yr arfaeth, yn defnyddio data’r Rhwydwaith, gan gynnwys: 

---

Mae Dangosyddion Strategol yn werthoedd mesuradwy sy’n helpu Llywodraeth Cymru i ddilyn trywydd eu cynnydd tuag at gyflawni eu nodau iechyd a lles. Mae dangosyddion y Rhwydwaith yn hanfodol ar gyfer gwerthuso a gwella’r mentrau iechyd a lles hyn:  

• Dau ddangosydd cenedlaethol a cherrig milltir (canran y plant sydd â dau ymddygiad ffordd iach o fyw neu fwy (ddim yn ysmygu; byth/prin byth yn yfed alcohol; bwyta ffrwythau neu lysiau bob dydd; bod yn weithgar yn gorfforol am awr neu fwy, 7 diwrnod yr wythnos) a sgôr lles meddyliol cymedrig). 
• Ffynonellau data ategol y Rhwydwaith ar gyfer dangosyddion cenedlaethol eraill (e.e., gwirfoddoli a theimlo’n unig).
• Adroddiadau Lles Cymru.
• Nifer o ddangosyddion y Fframwaith Deilliannau Iechyd a Gofal Cymdeithasol (ymddygiadau ffordd iach o fyw, pobl yn teimlo’n unig a lles meddyliol).

---

Mae data’r Rhwydwaith yn chwarae rhan hanfodol mewn ymchwil wyddonol, gan helpu i ddatblygu dulliau a mesurau arloesol, deall llwybrau iechyd a datblygu, gwerthuso a gweithredu polisïau ar sail tystiolaeth gadarn mewn meysydd fel:  

• Hunan-niwed, bwlio wyneb yn wyneb, a seiber-fwlio mewn ysgolion uwchradd.
• Absenoldeb o’r ysgol a gwaharddiadau gydag anhwylderau niwro-ddatblygiadol, anhwylderau meddyliol, neu hunan-niwed.
• Perthnasoedd rhwng cymheiriaid a thueddiadau mewn problemau emosiynol y glasoed.
• Iechyd meddwl, bwlio a chysylltedd â’r ysgol yn ystod pontio rhwng ysgolion yn 11 oed.
• Cyfathrebu ar-lein a lles meddyliol.
• Tueddiadau mewn yfed diodydd wedi’u melysu.
• Trais mewn perthnasoedd ac wrth chwilio am gariad.
• Lles meddyliol a phontio i’r ysgol uwchradd.
• Defnyddio tybaco â blas.
• Astudiaeth Ymddygiad Iechyd mewn Plant Oed Ysgol (HSBC).
• Datblygiad Rhwydwaith Ymchwil Iechyd mewn Ysgolion Namibia (NSHRN).

---

• Ysgolion fel Sefydliadau sy’n Dysgu: Mae ysgolion yn addasu i amgylcheddau ac amgylchiadau newydd, ac mae ymarfer dan arweiniad y Rhwydwaith yn fecanwaith allweddol ar gyfer cyflawni’r nodau hyn. 
• Effaith ar draws Meysydd Polisi: Mae data’r Rhwydwaith yn dylanwadu ar iechyd a lles pobl ifanc o fewn y dull ysgol gyfan, gan gynnwys mesurau lles, gorbryder, iselder a materion iechyd. 

---

O Ddata i Weithredu: Effaith Barhaus y Rhwydwaith  

Yn ganolog i hyrwyddo iechyd a lles plant a phobl ifanc y mae mynediad i wybodaeth a data dibynadwy, o ansawdd uchel. Mae’r Rhwydwaith yn darparu’r wybodaeth hon, gan gynorthwyo ysgolion i ddatblygu polisïau ac ymarfer sydd wedi’u llywio gan eu data.

Mae’r seilwaith hwn yn hanfodol ar gyfer gwerthuso effaith mesurau a roddwyd ar waith gan Lywodraeth Cymru a’i phartneriaid. 

Dysgwch Ragor am Ein Heffeithiau  

I ddysgu mwy am yr amryw ffyrdd rydym ni’n gwneud gwahaniaeth, dychwelwch i’n tudalen ‘Prif Effaith’ (yn dod yn fuan) i gael cipolygon a diweddariadau manwl am ein heffeithiau lleol, cenedlaethol a byd-eang.  

Dysgwch am ein datblygiadau diweddaraf, digwyddiadau sydd ar ddod a mentrau newydd sy’n anelu at wella iechyd a lles dysgwyr. Ymunwch â’n cymuned a byddwch yn rhan o’r newid cadarnhaol!