Mae’n bleser gennym adrodd bod dros hanner ein hysgolion cynradd cofrestredig SHRN wedi cwblhau’r Holiadur Amgylchedd yr Ysgol. Mae’r gamp hon yn adlewyrchu eich ymrwymiad i wella iechyd a lles eich dysgwyr.
Trwy lenwi Arolwg Iechyd a Lles Myfyrwyr ac Arolwg Amgylchedd yr Ysgol y Rhwydwaith, mae ysgolion cynradd nid yn unig yn ychwanegu at eu harferion mewnol, maent hefyd yn cyfrannu at ddealltwriaeth ehangach o iechyd a lles mewn addysg. Mae’r dull deuol hyn yn meithrin amgylchedd iachach, mwy cefnogol, i bob dysgwr.
Diolch i bob ysgol am gymryd rhan ac am eich ymrwymiad i greu amgylchedd dysgu cadarnhaol. Gyda’n gilydd, rydym ni’n gwneud gwahaniaeth!
Yn achos ysgolion cynradd cofrestredig sydd heb lenwi Arolwg Amgylchedd yr Ysgol ac Arolwg Iechyd a Lles Myfyrwyr y Rhwydwaith eto, dyma’ch atgoffa am rai o fuddion allweddol gwneud hynny:
1. Dealltwriaeth Gynhwysfawr o Anghenion Dysgwyr
- Cipolygon cyfannol: Trwy gasglu data o’r ddau arolwg, gall eich ysgol ennill golwg gynhwysfawr ar iechyd a lles eich dysgwyr, ac amgylchedd cyffredinol yr ysgol. Mae hyn yn eich helpu i nodi meysydd penodol sydd angen sylw.
Hefyd, gall tîm y Rhwydwaith ddadansoddi’r berthynas rhwng polisïau/ymarfer yr ysgol a deilliannau dysgwyr yn anhysbys, a rhannu’r hyn a ddysgwn am ddulliau effeithiol posibl gydag ysgolion er mwyn datblygu digwyddiadau cyfnewid gwybodaeth, fel ein cyfres gweminarau.
2. Gwneud Penderfyniadau Gwybodus
- Polisïau wedi’u gyrru gan ddata: Mae’r cipolygon a geir o’r arolygon hyn yn galluogi eich ysgol i wneud penderfyniadau gwybodus am fentrau iechyd a lles, gan sicrhau bod polisïau wedi’u teilwra i anghenion gwirioneddol eich dysgwyr.
3. Ymgysylltu’n Well â Dysgwyr
- Grymuso: Gall cynnwys dysgwyr ym mhroses yr arolwg eu grymuso, gan wneud iddynt deimlo o bwys a’u bod yn cael eu clywed, gan arwain at fwy o ymgysylltu â gweithgareddau a mentrau eich ysgol.
4. Gwell Deilliannau Iechyd
- Ymyriadau Targedig: Gall y data helpu eich ysgol i weithredu rhaglenni iechyd a lles targedig sy’n mynd i’r afael â materion penodol, fel iechyd meddwl, maeth a gweithgarwch corfforol – gan wella dysgwyr a lles yn y pen draw.
5. Meincnodi a Chymharu
- Safonau Cenedlaethol: Gallwch gymharu canlyniadau eich ysgol â data cenedlaethol, gan ganiatáu i chi feincnodi eich perfformiad a nodi arferion gorau mewn ysgolion eraill.
6. Cefnogaeth ar gyfer Arolygiadau ac Atebolrwydd
Tystiolaeth ar gyfer Arolygiadau Estyn: Mae llenwi’r ddau arolwg yn cynnig tystiolaeth werthfawr ar gyfer arolygiad eich ysgol, gan ddangos ymrwymiad i iechyd a lles dysgwyr. At hynny, mae partneriaeth y Rhwydwaith ac Iechyd Cyhoeddus Cymru yn galluogi eich data o’r Rhwydwaith i gael ei wreiddio fel rhan o ysgol sy’n hybu iechyd.
7. Cynllunio a Datblygu Hirdymor
- Arferion Cynaliadwy: Gall y data a gasglwyd lywio strategaethau hirdymor ar gyfer gwella polisïau ac arferion eich ysgol, gan sicrhau bod iechyd a lles yn aros yn flaenoriaeth yng nghynlluniau datblygu eich ysgol.
Yn fyr, gall ysgolion cynradd cofrestredig sy’n llenwi’r Arolwg Iechyd a Lles Myfyrwyr ac Arolwg Amgylchedd yr Ysgol y Rhwydwaith ddatgloi amrywiaeth o fuddion sy’n ychwanegu at eu hamgylchedd addysgol a chefnogi datblygiad eu dysgwyr.
Darllenwch fwy am Holiadur Amgylchedd yr Ysgol [MB1]